2.8.11

கச்சத்தீவில் தேசியக்கொடி ஏற்றுவோம்-- பாரதீய ஜனதா அறிவிப்பு!!

நாகை:  தமிழக மீனவர்களை சிங்கள அரசு தாக்குவதை கண்டித்து ராமேஸ்வரத்தில் பா.ஜ., சார்பில் கடல் முற்றுகை போராட்டம் நடைபெற உள்ளதாக தமிழக பாரதீய ஜனதாக் கட்சித்தலைவர் பொன்.ராதாகிருஷ்ணன் நாகப்பட்டினத்தில் தெரிவித்தார்! 

"இதன் பிறகும் இலங்கை தமிழக மீனவர்களை தாக்கினால் கச்சத்தீவில் தேசிய கொடி ஏற்றுவோம். சமச்சீர் கல்வியை உடனடியாக அமல்படுத்த வேண்டும் எனறு தமிழக அரசுக்கு வேண்டுகோள் விடுக்கின்றோம். தற்போது மாணவர்களின் காலாண்டு தேர்வு கேள்விக்குறியாகியுள்ளது. 10ம் வகுப்பு, 12ம் வகுப்பு மாணவர்களின் பொதுத்தேர்வு பாதிக்கப்படும். 3 மாதம் தமிழக அரசை விமர்சனம் செய்யக்கூடாது என முடிவு செய்துள்ளோம். எனவே சமச்சீர் கல்வியை அமல்படுத்த வேண்டும் என்பதை வேண்டுகோளாக விடுக்கின்றோம். தமிழக மீனவர்கள் விவகாரத்தில் மத்திய அரசின்நிலைபாட்டிற்கு கண்டனம் தெரிவித்து கொள்கிறோம்" என்றும் அவர் கூறினார்.