29.11.11

ஜெயலலிதாவின் கொடநாடு பயணம் ஒத்திவைப்பு!



முதல்வர் ஜெயலலிதா நவம்பர் 30-ம் தேதி கொடநாடு செல்ல இருப்பதாக முதலில் அறிவிக்கப்பட்டிருந்தது. சென்னை மற்றும் புறநகர்ப் பகுதிகளில் மழை, வெள்ளத்தால் பாதிக்கப்பட்ட பகுதிகளை சுமார் 2 மணி நேரம் ஹெலிகாப்டரில் பார்வையிட்ட அவர், தலைமைச் செயலகத்தில் பல்வேறு நிகழ்ச்சிகளில் பங்கேற்றார். கோட்டையில் நடந்த நிகழ்ச்சிகள் அவர் கொடநாடு பயணத்துக்கு தயாராகி வருவதை உறுதிப்படுத்துவதாக இருந்தன. பிறகு தமிழக ஆளுநர் கே. ரோசய்யாவை ராஜ்பவன் சென்று சந்தித்தார். அவர்களுடைய பேச்சு வார்த்தை சுமார் 30 நிமிஷங்கள் நீடித்தது. அதன் பிறகு அவர் கொடநாடு செல்வது ரத்தானது. மழை, வெள்ளத்தால் தமிழகம் முழுவதும் பாதிக்கப்பட்டுள்ள நிலையில் நிவாரணப் பணிகளை மேற்கொள்ள வேண்டியிருப்பதாலும் முல்லைப் பெரியார் அணைப் பிரச்னை தொடர்பாக சில முக்கிய முடிவுகள் எடுக்க இருப்பதாலும் அவரது கொடநாடு பயணம் ஒத்திவைக்கப்பட்டிருக்கிறது. ஒரு வாரத்துக்குப் பிறகே அவர் கொடநாடு செல்வார் எனவும் கூறப்படுகிறது.