18.8.11

நிரபராதிகளை விடுதலை செய்ய வேண்டும்

ராஜீவைக் கொன்றவர்களை தூக்கில் போடுங்கள்..ஆனால் இவர்கள் நிரபராதிகள்.....  நிரபராதிகளை விடுதலை செய்ய வேண்டும்..வழக்கில் தவறான முறையில் தீர்ப்பு வழங்கப் பட்டிருக்கிறது என்று  பிரச்சாரம் செய்வதுதான் சரியான அணுகுமுறை!  அதுதான் அனைத்து தமிழ் மக்களின் ஆதரவைப் பெற்றுத் தரும்! . 

சாலை ஆக்கிரமிப்புக்கு எம்எல்ஏ ஆதரவு! !! முப்பது லட்சம் கை மாறியதா?


என் வழி  திமுக வழி...
என்கிறாரோ கலைராஜன்! 
தி நகர் ராமேஸ்வரம் சாலையில் நீதிமன்ற உத்தரவுப்படி அகற்றப் பட்ட கடைகள் மறுபடி முளைத்து ஜகஜோராக நடைபெற்று வருகின்றன! ஆக்கிரமிப்பு கடைகளுக்கு ஆதரவாக திநகர் எம் எல் ஏ கலைராஜன் பெயர் அடிபடுகிறது! திநகரைச் சேர்ந்த சண்முகராஜ் என்ற நபர் மூலம் முப்பது லட்சம் ரூபாய் லஞ்சமாக கலைராஜனுக்கு தரப் பட்டதாக பேசப் படுகிறது! இது தொடர்பாக விசாரிப்பதற்காக கலைராஜனைத் தேடி அவர் வீட்டிக்கு சென்றோம்!! அங்கிருந்த அவருடைய உதவியாளர் "சட்டமன்றக் கூட்டம் நடப்பதால் இப்போது உங்களால் அவரைப் பார்க்க முடியாது!!  அவரே உங்களைத் தொடர்பு கொள்வார்!!"  என்றார்! 
இரண்டு நாட்களாகியும் கலைராஜனிடமிருந்து எந்த பதிலும் வராததால், சம்பந்தப் பட்ட பகுதியின் மாநராட்சி அதிகாரிகள், சென்னை மாநகராட்சியின் ஆணையாளர் கார்த்திகேயன் ஆகியோரிடம் விசாரித்தோம்! "ஆக்கிரமிப்பை அகற்ற நடவடிக்கை எடுக்கப் படும்"  என்பதைத் தவிர அவர்களால் வேறு எதையும் பேச முடியவில்லை! மாநகராட்சி  வட்டாரங்களில் விசாரித்தோம்! 
கலைராஜனுக்கு 30௦ லட்சம், சண்முகராஜுக்கு 10௦ லட்சம் என்று நம்மை அதிர்ச்சியடைய  வைக்கும் தகவல்கள் அங்கே உலவுகின்றன! மாநகராட்சி அதிகாரிகள் பம்முவதைப் பார்த்தால் நம் சந்தேகம் அதிகமாகிறது.. ஆயினும் காத்திருக்கிறோம்..கலைராஜனின் பதிலுக்காக..மாநகராட்சியின் நடவடிக்கைக்காக......!!

எல்லாமே அரசியல்தான்! குப்பை நகரமாகிறது சென்னை..

சென்னையில் குப்பை அகற்றும் காண்ட்ராக்ட் இன்னும் மூன்று மாதத்தில் முடிவடிவதால் "நீல்மெடல் பனால்கா" நிறுவனம் அறிவிக்கப் படாத வேலை நிறுத்தம் செய்கிறது .. குப்பைகளை அகற்றுவதில்லை! வர்த்தக நிறுவனங்கள், கடைகளில் காசு பெற்றுக் கொண்டு குப்பைகளை வாகனங்களின் மூலம் பெற்றுக் கொண்டு போகும் "நீல்மெடல் பனால்கா" ஊழியர்கள் வீடுகள் மற்றும் குடியிருப்புகளில் வரும் குப்பைகளை அகற்றுவதில்லை! 
சென்னை தி நகரில் உள்ள நமது குடியிருப்பு வளாகத்தில் நான்கு நாட்களாக (மாநகராட்சி அதிகாரிகளுக்கு பல முறை தகவல் தெரிவித்தும்)  குப்பைகளை அகற்ற மறுத்த "நீல்மெடல்" ஊழியரிடம் கேட்ட போது "எங்களுக்கு மேலே உள்ளவர்கள் சொல்வதைத்தான் நாங்கள் கேட்கிறோம்..நீ யாரிடம் வேண்டுமானால் புகார் செஞ்சுக்கோ" என்கின்றார்!.. 
"இப்படி எல்லாம் பேச வேண்டாம் !  எங்களுடைய புகாரின் மீது நிச்சயம் நடவடிக்கை இருக்கும்.." என்றோம்!
"அப்படியா..நீ பெரிய ஜட்ஜா இரு..மந்திரியா இரு..குப்பை எடுக்க முடியாதுன்னா முடியாதுதான்!..பெரிய ஜட்ஜ் இவரு.. கிளிச்சுரப் போறாரு.." என்று வசவுகளை அள்ளித் தெளித்து விட்டு போனார் அந்த ஆசாமி! வாகனத்தின் எண்ணை பார்த்த போது 2262 என்பது மட்டும் தெளிவாகத் தெரிந்தது! மற்றதெல்லாம் அழிந்து அல்லது மறைக்கப் பட்டு இருந்தது..      சென்னை மாநகராட்சி அதிகாரிகளிடம்  கேட்டால் அவர்கள் மழுப்புகிறார்கள்!  என்னதான் நடக்கிறது சென்னை மாநகராட்சியில்..?