30.1.16

இறுதிச் சுற்று விமர்சனம்.

ஆங்ரி பேர்ட் ரித்திகா + ஆக்ரோஷமான மாதவன் ஆகிய கலப்பு இரட்டையரைக் கொண்டு களமிறங்கி தமிழில் இதுவரை வெளிவந்த குத்துச்சண்டை படங்கள் அனைத்தையும்
"நாக்-அவுட்" செய்து வெற்றி பாதையில் கம்பீரமாய் பயணம் செய்யும் படம் "இறுதிச்சுற்று".

Y not Studios, UTV motion pictures, மற்றும் திருக்குமரன் எண்டெர்டெய்ன்மெண்ட்' ன் இணைத்தயாரிப்பில், சுதா கொங்க்ராவின் இயக்கத்தில், சந்தோஷ் நாராயணனின் இசையில், மாதவன், ரித்திகா சிங், மும்தாஜ் சொர்க்கர், நாசர், ராதாரவி ஆகியோர் நடிப்பில் தமிழ் மற்றும் இந்தி என இரு மொழிகளில் உருவாக்கப்பட்ட படம்.


   வழக்கமான விளையாட்டு அரசியலால் தன் ஒலிம்பிக் கனவு தகர்ந்து போன ஏமாற்றத்தில் ஒரு ஆக்ரோஷ குத்துச்சண்டை வீரனாய் மாதவன். இந்த சூழ்நிலையில் தன் மனைவியும் பிரிந்து செல்ல, ஏமாற்றம், தோல்வி, விரக்தி என ஒட்டு மொத்த கலவையாய் முரட்டுதனமான கோச்'சாய் மாறுகிறார் மாதவன். மீண்டும் குத்துச்சண்டை அசோசியேசனின் அரசியலால் "முடிந்தால் ஒரு சாம்பியனை உருவாக்கு..." என்ற சவாலுடன் டெல்லியிலிருந்து சென்னைக்கு மாற்றப்படுகிறார். அங்கு ஜூனியர் கோச்சான நாசரால் கை காட்டப்படும் குப்பத்து பெண்ணான மும்தாஜ் சொர்க்கரை தேர்வு செய்து பயிற்சியை தொடங்குகிறார் மாதவன். அந்த சூழ்நிலையில் மும்தாஜ் சொர்க்கரின் தங்கை ரித்திகா சிங்'கின் விளையாட்டுத்தனம், கோபம், வெறி, வேகம் என அனைத்தையும் உற்று கவனிக்கும் மாதவன் ரித்திகா'வை பாக்ஸராக்கும் முயற்சியில் இறங்குகிறார். அக்காவை போல் பாக்ஸிங் ஆர்வம் இல்லாமல் மாதவன் தரும் பணத்திற்காக சம்மதிக்கிறார் ரித்திகா. இதனால் பொறாமை கொண்டு ரித்திகா'வை விளையாட விடாமல் இடையூறு செய்யும் வேலையில் இறங்குகிறார் மும்தாஜ். அதே வேளையில் மாதவனை வெற்றிபெறவிடக் கூடாது என அசோசியேஷனும் சூழ்ச்சிகள் பல செய்கிறது. இவற்றையெல்லாம் மீறி ரித்திகா சாம்பியன் பட்டம் வென்றாரா? மாதவன் சாவலில் ஜெயித்தாரா? இல்லையா? என்பது மீதிக்கதை.

ஒரு சமயத்தில் பாலிவுட் மற்றும் கோலிவுட் ரசிகைகளின் கனவு நாயகனாக வலம் வந்த சாக்லேட் பாய் இப்படத்தில் "மேடி" வெர்ஷன் 2 'வாக உருமாறியிருக்கிறார். கலைந்த கேசம், இரும்பு உடல், முரட்டுத்தனம், கோபம், திமிர் என ஒட்டு மொத்த கலவையாய் நடிப்பிலும் வசனத்திலும் மிரள வைக்கிறார் மாதவன்.

குறும்புத்தனம், பிடிவாதம் என அறிமாகும் குப்பத்து பெண் ரித்திகா, க்ளைமேக்ஸில் சர்வதேச சாம்பியன் ஆகும் வரை பயணம் செய்யும் தன் கதாபாத்திரத்தை சிறப்பாக முடித்திருக்கிறார். இவர் உண்மையான குத்துச்சண்டை வீராங்கனை என்பதால் குத்துச்சண்டை காட்சிகளில்  செயற்கைத்தனம் துளியளவும் தெரியவில்லை.

மேலும் ஜூனியர் கோச்சாக வரும் நாசர், மாதவனுக்கு பக்கபலமாய் இருக்கும் ராதாரவி, மற்றும் காளி வெங்கட், மும்தாஜ் சொர்க்கர் என அனைவரின் நடிப்பும் முழுமை .

 இயக்குனர் மணிரத்னம் அவர்களின் பட்டறை பெண் சுதா கொங்க்ரா. இரண்டரை ஆண்டுகளாய் பெண்கள் குத்துச்சண்டை சம்பந்தமான செய்திகளை சேகரித்து படத்தை பிரம்மாண்டமாய் கொடுத்திருப்பதிலேயே இவரது அனுபவ கல்வி தெரிகிறது. "இப்படத்தில் வரும் அனைத்தும் கற்பனையே, யாரையும் குறிப்பிட்டுவன அல்ல" என போடாமல் "உண்மைச் சம்பவங்களின் அடிப்படையில் உருவாக்கப்பட்டது" என ஸ்லைடு போட்டதற்கே இந்த ''பெண்மை" ஒரு சல்யூட்.

பெண்கள் குத்துச்சண்டை உலகில் நடக்கும் வழக்கமான விளையாட்டு அரசியல், அதை எதிர்கொண்டு வெற்றி பெறுவதை சுவாரஸ்யமாக அமைத்திருக்கும் இயக்குனர் சுதா'விற்கு வெற்றி மகுடம் சூட்டலாம். விளையாட்டு பின்னணி சினிமாவின் வழக்கமான க்ளைமாக்ஸ் என்றாலும் அதிலும் ட்விஸ்ட் வைத்திருப்பது புதுவிதம். சந்தோஷ் நாராயணின் பின்னனி இசை படத்திற்கு பலம். ஆனால் பாடல்கள் எங்கோ கேட்ட ரகம்.

 மொத்தத்தில் இந்த சினிமா விளையாட்டில் இப் படக்குழுவினரின் கைகளை உயர்த்தி அறிவிக்கலாம் "தி வின்னர் இஸ் இறுதிச் சுற்று.." என்று.
வழக்கமான விளையாட்டு அரசியலால் தன் ஒலிம்பிக் கனவு தகர்ந்து போன ஏமாற்றத்தில் ஒரு ஆக்ரோஷ குத்துச்சண்டை வீரனாய் மாதவன். இந்த சூழ்நிலையில் தன் மனைவியும் பிரிந்து செல்ல, ஏமாற்றம், தோல்வி, விரக்தி என ஒட்டு மொத்த கலவையாய் முரட்டுதனமான கோச்'சாய் மாறுகிறார் மாதவன். மீண்டும் குத்துச்சண்டை அசோசியேசனின் அரசியலால் "முடிந்தால் ஒரு சாம்பியனை உருவாக்கு..." என்ற சவாலுடன் டெல்லியிலிருந்து சென்னைக்கு மாற்றப்படுகிறார். அங்கு ஜூனியர் கோச்சான நாசரால் கை காட்டப்படும் குப்பத்து பெண்ணான மும்தாஜ் சொர்க்கரை தேர்வு செய்து பயிற்சியை தொடங்குகிறார் மாதவன். அந்த சூழ்நிலையில் மும்தாஜ் சொர்க்கரின் தங்கை ரித்திகா சிங்'கின் விளையாட்டுத்தனம், கோபம், வெறி, வேகம் என அனைத்தையும் உற்று கவனிக்கும் மாதவன் ரித்திகா'வை பாக்ஸராக்கும் முயற்சியில் இறங்குகிறார். அக்காவை போல் பாக்ஸிங் ஆர்வம் இல்லாமல் மாதவன் தரும் பணத்திற்காக சம்மதிக்கிறார் ரித்திகா. இதனால் பொறாமை கொண்டு ரித்திகா'வை விளையாட விடாமல் இடையூறு செய்யும் வேலையில் இறங்குகிறார் மும்தாஜ். அதே வேளையில் மாதவனை வெற்றிபெறவிடக் கூடாது என அசோசியேஷனும் சூழ்ச்சிகள் பல செய்கிறது. இவற்றையெல்லாம் மீறி ரித்திகா சாம்பியன் பட்டம் வென்றாரா? மாதவன் சாவலில் ஜெயித்தாரா? இல்லையா? என்பது மீதிக்கதை.

ஒரு சமயத்தில் பாலிவுட் மற்றும் கோலிவுட் ரசிகைகளின் கனவு நாயகனாக வலம் வந்த சாக்லேட் பாய் இப்படத்தில் "மேடி" வெர்ஷன் 2 'வாக உருமாறியிருக்கிறார். கலைந்த கேசம், இரும்பு உடல், முரட்டுத்தனம், கோபம், திமிர் என ஒட்டு மொத்த கலவையாய் நடிப்பிலும் வசனத்திலும் மிரள வைக்கிறார் மாதவன்.

குறும்புத்தனம், பிடிவாதம் என அறிமாகும் குப்பத்து பெண் ரித்திகா, க்ளைமேக்ஸில் சர்வதேச சாம்பியன் ஆகும் வரை பயணம் செய்யும் தன் கதாபாத்திரத்தை சிறப்பாக முடித்திருக்கிறார். இவர் உண்மையான குத்துச்சண்டை வீராங்கனை என்பதால் குத்துச்சண்டை காட்சிகளில்  செயற்கைத்தனம் துளியளவும் தெரியவில்லை.

Y not Studios, UTV motion pictures, மற்றும் திருக்குமரன் எண்டெர்டெய்ன்மெண்ட்' ன் இணைத்தயாரிப்பில், சுதா கொங்க்ராவின் இயக்கத்தில், சந்தோஷ் நாராயணனின் இசையில், மாதவன், ரித்திகா சிங், மும்தாஜ் சொர்க்கர், நாசர், ராதாரவி ஆகியோர் நடிப்பில் தமிழ் மற்றும் இந்தி என இரு மொழிகளில் உருவாக்கப்பட்ட படம்.

ஆங்ரி பேர்ட் ரித்திகா + ஆக்ரோஷமான மாதவன் ஆகிய கலப்பு இரட்டையரைக் கொண்டு களமிறங்கி தமிழில் இதுவரை வெளிவந்த குத்துச்சண்டை படங்கள் அனைத்தையும்
"நாக்-அவுட்" செய்து வெற்றி பாதையில் கம்பீரமாய் பயணம் செய்யும் படம் "இறுதிச்சுற்று".

மேலும் ஜூனியர் கோச்சாக வரும் நாசர், மாதவனுக்கு பக்கபலமாய் இருக்கும் ராதாரவி, மற்றும் காளி வெங்கட், மும்தாஜ் சொர்க்கர் என அனைவரின் நடிப்பும் முழுமை .

 இயக்குனர் மணிரத்னம் அவர்களின் பட்டறை பெண் சுதா கொங்க்ரா. இரண்டரை ஆண்டுகளாய் பெண்கள் குத்துச்சண்டை சம்பந்தமான செய்திகளை சேகரித்து படத்தை பிரம்மாண்டமாய் கொடுத்திருப்பதிலேயே இவரது அனுபவ கல்வி தெரிகிறது. "இப்படத்தில் வரும் அனைத்தும் கற்பனையே, யாரையும் குறிப்பிட்டுவன அல்ல" என போடாமல் "உண்மைச் சம்பவங்களின் அடிப்படையில் உருவாக்கப்பட்டது" என ஸ்லைடு போட்டதற்கே இந்த ''பெண்மை" ஒரு சல்யூட்.

பெண்கள் குத்துச்சண்டை உலகில் நடக்கும் வழக்கமான விளையாட்டு அரசியல், அதை எதிர்கொண்டு வெற்றி பெறுவதை சுவாரஸ்யமாக அமைத்திருக்கும் இயக்குனர் சுதா'விற்கு வெற்றி மகுடம் சூட்டலாம். விளையாட்டு பின்னணி சினிமாவின் வழக்கமான க்ளைமாக்ஸ் என்றாலும் அதிலும் ட்விஸ்ட் வைத்திருப்பது புதுவிதம். சந்தோஷ் நாராயணின் பின்னனி இசை படத்திற்கு பலம். ஆனால் பாடல்கள் எங்கோ கேட்ட ரகம்.

 மொத்தத்தில் இந்த சினிமா விளையாட்டில் இப் படக்குழுவினரின் கைகளை உயர்த்தி அறிவிக்கலாம் "தி வின்னர் இஸ் இறுதிச் சுற்று.." என்று.

23.1.16

மூன்றாம் உலகப்போர் விமர்சனம்

பக்கத்து வீட்டு பாகிஸ்தானின் பழைய பஞ்சாயத்தை பார்த்து பழகிய நமக்கு,  எதிர் வீடான சீனாவுடனான புது பஞ்சாயத்தை காட்டும் கற்பனைதான்  "மூன்றாம் உலகப்போர்".


ஆர்ட்டின் ஃப்ரேம்ஸ் மற்றும் TRS ஸ்டுடியோஸ் தயாரிப்பில், சுகன் கார்த்தி இயக்கத்தில், நாயகன் சுனில் குமார், நாயகி அகிலா கிஷோர் நடித்து, வேத் ஷங்கர் இசை மற்றும் தேவா ஒளிபதிவில் திரைக்கு வந்திருக்கிறது இப்படம். வரும் 2025ல் வரப்போகும் மூன்றாம் உலகப்போர் இந்தியா - சீனாவிற்கும் தான் வரும் என்ற கற்பனை கலந்த கலவைதான் இந்த திரைப்படம். .

இந்திய ராணுவத்தில் மேஜரான கதாநாயகன் சுனில் குமார், விடுமுறைக்கு சொந்த ஊருக்கு வர கதாநாயகி அகிலா கிஷோரை திருமணம் செய்கிறார். திருமணம் முடிந்த சில நாட்களிலேயே மனைவியை பிரிந்து மீண்டும் பணிக்கு செல்கிறார் சுனில் . அதே நேரத்தில் சீன ராணுவ தளபதி வில்சன், இந்தியாவில் நாசவேலை செய்து நிலைகுலைய வைக்க தனது மகனோடு 100 சீன வீரர்களை பல்வேறு பகுதிகளுக்கு அனுப்பி வைக்கிறார். அவர்கள் அனைவரையும் கண்கானிக்க ஒவ்வொருவரின் உடம்பிலும் கம்யூட்டர் சிப் ஒன்றை பொருத்தி அனுப்புகிறார்கள். ஆனால் திடீரென அவர்களை தொடர்பு கொள்ள முடியாத சூழ்நிலை ஏற்பட, இந்திய எல்லையில் பாதுகாப்பு பணியில் இருக்கும் மேஜர் சுனில் & கோ'வை சிறைபிடிக்கிறார் வில்லன் வில்சன்.

           தான் அனுப்பிய 100 வீரர்களின் நிலை என்ன என்பதை அறிய சிறைபிடிக்கப்பட்ட மேஜர் சுனில் மற்றும் மற்ற வீரர்களை கொடுமைபடுத்தும் வில்சன், கதாநாயகனைத் தவிர அனைவரையும் கொன்றுவிடுகிறார். பின் இந்தியாவில் ஊடுறுவிய 100 சீன வீரர்களின் நிலை என்ன? சீன ராணுவத்திடம் சிக்கிய இந்திய மேஜர் சுனில் தப்பித்தாரா? இல்லையா? என்பது மீதிக்கதை.

                     நாயகன் சுனில் ராணுவ தளபதிக்குரிய மிடுக்குடன் அழகாக நடித்திருந்தாலும், ஆக்ஷன் காட்சிகளில் தெளிவற்ற நிலைதான். படத்தில் இவருக்கென ஒரு நாயகி இருந்தாலும் இவர்கள் இருவருக்குமான காட்சிகள் மிக குறைவு .
                        நாயகி அகிலா கிஷோர் சில காட்சிகளே தோன்றினாலும் மனதில் பதியும் கதாபாத்திரம். வில்லன் வில்சன் சீன தளபதியாக வந்து மிரட்டுகிறார். படத்தில் இவரும் நாயகனும் பேசிக் கொள்ளும்   வசனங்கள் இந்தியர் ஒவ்வொருவரின் குருதியை அனலாக்கும் ரகம். 2025ல் நடக்கும் போர் என்றாலும் காட்சிகளில் அதற்க்குன்டான தொழில்நுட்பமும், தெளிவும் இல்லாதது மிகப்பெரும் குறை. ஃகிராபிக்ஸ் காட்சிகள் அனைத்தும் வீடியோ கேம் போன்றே தோன்றுகிறது. வேத் சங்கரின் இசை இறைச்சலைத் தருகிறது. பின்னணியில் சற்று கவனம் செலுத்தியிருக்கலாம். தேவாவின் ஒளிப்பதிவு அனுபவ குறைவு. ஆனால் படத்தின் மிகப்பெரும் பலம் "வசனம்".

மொத்தத்தில் "மூன்றாம் உலகப்போர் - 2025ம் ஆண்டின் நியூ வெர்ஸன் வீடியோ கேம்".

15.1.16

கெத்து விமர்சனம்

           உதயநிதியின் "ரெட் ஜெயின்ட் மூவிஸ்" தயாரிப்பில், திருகுமரன் இயக்கத்தில், ஹாரிஸ் ஜெயராஜ் இசையில், விக்ராந்த்தின் வில்லத்தனம்,       உதயநிதியின் ஆக்ஷன் அவதாரம் என புதிய கலவையுடன் வெளிவந்து வெற்றிகரமாக ஓடிக்கொண்டிருக்கும் படம் "கெத்து".



     ஸ்னிப்பர் கொலைகாரனாக வரும் விக்ராந்த். ஒரு விஞ்ஞானியை கொலை செய்வதற்காக குமுளி செல்கிறார். அங்கே நூலகம் நடத்தி வருபவர் உதயநிதி. ஒரு சூழலில் செய்தி வாசிப்பாளாராக முயற்சிக்கும் எமி ஜாக்சனுக்கும், நூலகம் நடத்தும் உதயநிதிக்கும் பழக்கம் ஏற்படுகிறது. எமிக்கு உதயநிதி மேல் காதல் ஏற்படுகிறது, ஆனால் உதயநிதி பிடி கொடுக்காமல் இருப்பதும், இவர்கள் இருவரின் காதல் காட்சிகளும் படத்திற்கு வேகத்தடையே.

   காதல், காமெடி என தொடர்ந்து ஒரே வண்டியில் உலா வந்த உதயநிதிக்கு ஆக்ஷன் அவதாரம் அம்சமாக அமைந்திருக்கிறது. சத்யராஜ் வழக்கம் போல் தன் கதாபாத்திரத்தை முழுமையாக பூர்த்தி செய்திருப்பது படத்திற்கு பலம்.
 உதயநிதியின் அப்பாவாக வரும் சத்யராஜ் இப்படத்தில் பி.டி. மாஸ்டராக நடித்திருக்கிறார். இவர் பி.டி. மாஸ்டராக பணிபுரியும் பள்ளியின் அருகில் ஒரு மதுக்கடையும், பாரும் நடத்தி வருகிறார் மைம் கோபி. இவரின் மதுக்கடையால் பள்ளிக்கும்,  மாணவர்களுக்கும் தொந்தரவு ஏற்பட கடையை மூட வலியுறுத்தி போலீஸில் புகார் அளிக்கிறார் சத்யராஜ். இதையறிந்த மைம் கோபி, சத்யராஜை பிடித்து தன் கடையில் வைத்து பூட்ட, அதுவரை சாதுவாக இருந்த  உதயநிதி உக்கிர தாண்டவமாய் மாறி தன் தந்தையை காப்பாற்றுகிறார். ஆனால் மறுநாள் மைம் கோபி இறந்து கிடக்க. அந்த இடத்தில் சத்யராஜின் மோதிரம் கிடைக்க, போலீஸ் சத்யராஜை கைது செய்கிறது. பின் சத்யராஜின் நிலை என்ன? உதயநிதி தன் தந்தையை காப்பாற்றினாரா? இல்லையா? விக்ராந்த் என்னவானார்? என்பது மீதிக் கதை.

   எமி ஜாக்சன் வழக்கமான காதலியாக வந்து போகிறார். படத்தின் ஹைலைட் கதாபாத்திரம் விக்ராந்த். கதாநாயகனைவிட  முக்கிய கதாபாத்திரம் இவருடையது. படத்தில் இவருக்கு வசனங்கள் அதிகம் இல்லை என்றாலும், இவரின் ஆக்ரோஷ கண்கள் ஆயிரம் வசனங்களை அசாதாரணமாக கூறி செல்வது பிரம்மாண்டம். படத்திற்கு மிகப்பெரும் பலமும் இவரே.

 இயக்குனர் திருக்குமரன் கதை, களம் என அனைத்தையும் அழகாக படத்தை அமைத்திருக்கிறார். கதைக்கு முக்கியம் என்றால் வில்லனுக்கு மட்டும் முக்கியத்துவம் கொடுத்திருப்பதற்கு பாராட்டுக்கள். ஆனால் சில இடங்களில் சொதப்பும் காட்சிகள் படத்தின் மைனஸ். ஹாரிஷ் ஜெயராஜ் பாடல்கள் நன்றாக இருந்தாலும், அரைத்த மாவை அரைத்தது போல் ஒரு ஐயம் தோன்றுகிறது. படத்தின் பின்னணி இசை ரசிகர்களுக்கு இரைச்சலையும், எரிச்சலையும் தருவது படத்தின் மைனஸ் என்று கூறலாம்.சுகுமாரின் ஒளிப்பதிவு கண்களுக்கு விருந்து, காட்சிகள் அனைத்தும் படத்திற்கு வலு சேர்க்கிறது.

மொத்தத்தில் "கெத்து" வெத்தாகாது என நம்பலாம்.

தாரை தப்பட்டை விமர்சனம்

கம்பெனி ப்ரொடக்சன்ஸ் தயாரிப்பில், B ஸ்டுடியோஸ் வழங்கும் , பாலா'வின் "தாரை தப்பட்டை"


    சேது, நந்தா, பிதாமகன், நான் கடவுள், அவன் இவன், பரதேசி என ஆக்ரோஷ பட வரிசைகளில் தனது சிஷ்யன் சசிகுமாரையும், வரலஷ்மியையும் வைத்து ஆரவாரமாக களமிறங்கியிருக்கிறார் பாலா. பாலாவின் படம் என்பதை மீறி இசைஞானி இளையராஜா'வின் 1000மாவது என்கிற பரபரப்பில் களம் கண்ட இப்படம் பட்டையை கிளப்பியதா? இல்லையா? என்பதை பார்ப்போம்.

கிராமத்திய கலைஞன் என்கிற புலவர் சாமியின் மகன் சசிக்குமார், தந்தையிடம் அனைத்து கலைகளையும் கற்றிருந்த சசிக்குமாரும் அவர் நடத்தும் இசைக்குழுவும் வருமானம் இல்லாமல் கஷ்டப்படும் நிலையில், அந்தமானில் கச்சேரி நடத்த ஒரு வாய்ப்பு வருகிறது.

சசிகுமார், வரலஷ்மி மற்றும் அவரது குழுவினர் அந்தமான் செல்கின்றனர். சென்ற இடத்தில் கச்சேரிக்கு அழைத்து வந்தவர் வரலஷ்மியை தவறாக அணுக பிரச்சனை வருகிறது,வரலஷ்மி அவர்களை அடித்து உதைக்க, கோபத்தில் கச்சேரிக்கு அழைத்து வந்தவர் சசிகுமார் மற்றும் குருவினரின் கப்பல் டிக்கெட்டை கிழிக்க, பின் கஷ்டப்பட்டு பணம் திரட்டி ஊர் வந்து சேர்கின்றனர்.

 இந்நிலையில் வரலஷ்மியின் ஆட்டத்தை பார்த்து அவரை திருமணம் செய்ய ஆசைப்பட்டு வரலஷ்மியின் அம்மாவிடம் கேட்கும் ஆர்.கே.சுரேஷ், தான் கலெக்டரின் டிரைவர் என்றும் தனக்கு வரலஷ்மியை திருமணம் செய்து வைக்குமாறு கேட்க, வரலஷ்மியின் அம்மாவும் சசிகுமாரிடம் பேசி வரலஷ்மிக்கும் ஆர்.கே.சுரேஷிற்கும் திருமணம் செய்து வைக்கிறார்.முதலிரவு அன்று ஆர்.கே.சுரேஷின் சுயரூபம் தெரிய வரலஷ்மியின் நிலை என்னவானது? சசிகுமார் வரலஷ்மியை காப்பாற்றினாரா? இல்லையா? என்பது மீதி கதை.

      எல்லா படங்களிலும் நட்பை மட்டுமே தோழில் சுமந்து வந்த சசிகுமார் முதன் முறையாக "தப்பை" தோழில் மாட்டி, தாறுமாறாக அடித்தும், நடித்தும் நொறுக்கியிருக்கிறார். வரலஷ்மி மீது காதலை வைத்து வெளியில் காட்டிக் கொள்ளாமல் இருக்கும் சூழலிலும், தந்தையிடம் காட்டும் கோபம், அவர் இறந்த பின் காட்டும் அன்பு, வரலக்ஷ்மியை இன்னொருவருக்கு கல்யாணம் செய்து வைக்கும் பொழுது வரும் கண்ணீர் என ஒட்டு மொத்த நடிப்பையும் கொட்டிவிட்டார்.

     வரலஷ்மி சசிகுமாரிடம் மாமா          மாமா என உருகுவதும், மாமனாருடன் உட்காந்து தண்ணி அடிப்பதும், என ஒரு ரெளடி தோரணையில் வரும் இவர் தன் நடிப்பால் முதல் பாதியில் அனைவரையும் பின்னுக்குத் தள்ளி விட்டார்.   குறிப்பாக இசைஞானியின் கிராமிய இசைக்கு ஈடுகொடுத்து ஆடும் இவரின் ஆட்டம் இனி எந்த நடிகையாலும் இயலாத காரியம். முதல் பாதியில் மரண ஆட்டம் போட்ட வரலஷ்மி பின்பாதியில் காணாமல் போனது படத்திற்கு பலவீனம்.

இசைஞானியின் கிராமத்து இசை பசிக்கு சரியான தீனி இப்படம் . பாடல்களும், பின்னணி இசையும் மிரட்டல், " அடிக்கிற அடியில் தாரை தப்பட்டை கிழிந்து தொங்க வேண்டாமா..?" என்ற வடிவேலுவின் பிரபல வசனத்திற்கு ஏற்றாற்போல் உண்மையிலேயே கிழித்து தொங்க விட்டிருக்கிறார் இசைஞானி.செழியனின் ஒளிப்பதிவில், ஜி.சசிகுமாரின் படத்தொகுப்பும் பிரமாதம். படத்தின் க்ளைமாக்ஸில் வரும் சண்டைக்காட்சி ஒரிஜினல் பாலா'வை நம் கண் முன் நிறுத்தும். கற்பனைக்கு எட்டியதை தத்ரூபமாக காட்சி படுத்தும் கருணையற்றவர் இயக்குனர் பாலா என்பதற்கு இந்த க்ளைமாக்ஸும் சாட்சி.

மொத்தத்தில் "தாரை தப்பட்டை" இசைஞானியின் இசைக்காகவும்,
வரலஷ்மியின் ஆட்டத்திற்காகவும் பார்க்கலாம்.

4.1.16

இறுதிச்சுற்று இசை வெளியீட்டு விழா







        Y Not ஸ்டுடியோஸ் - சசிகாந்த், திருக்குமரன் என்டர்டெய்ன்மென்ட்ஸ் - சி.வி.குமார், UTV மோஸன் பிக்சர்ஸ், ராஜ்குமார் ஹிராணி மற்றும் மாதவன் ஆகியோரின் இணை தயாரிப்பில், பெண் இயக்குனர் சுதா கோங்கரா'வின் இயக்கத்தில், நடிகர் மாதவன், நாசர், ராதாரவி, காளி வெங்கட், நடிகைகள் ரித்திகா சிங் மற்றும் மும்தாஜ் சார்கர்  ஆகியோரின் நடிப்பில், சந்தோஷ் நாராயணனின் இசையில் இந்த மாத இறுதியில் திரைக்கு வரவிருக்கும் படம் "இறுதிச்சுற்று". ஒரு குத்துச்சண்டை வீராங்கணையை மையப்படுத்தி உருவாகியிருக்கும் இப்படத்தின் இசைத்தகடு வெளியீட்டு விழா சென்னை சத்யம் சினிமாஸ்-ல் நடைபெற்றது.

       விழாவில் பங்கேற்று பேசிய அனைவரும் படத்தில் பணியாற்றிய அனைவருக்கும் நன்றிகளையும் வாழ்த்துக்களையும் தெரிவித்துக் கொண்டதோடு, படத்தின் முக்கிய அம்சங்கள், கதை, படம் எடுக்கப்பட்ட சூழ்நிலைகள் என அனைத்தையும் விளக்கமாக கூறினர்.. இப்படத்திற்கு பாடல் இயற்றிய பாடலாசிரியர்கள் பேசும் பொழுது, பாடல்கள் அனைத்தும் சிறப்பாக வந்திருக்கிறது என்றும், எங்களுக்கு வாய்ப்பளித்த இசையமைப்பாளருக்கும், இயக்குனர் மற்றும் தயாரிப்பாளர்கள் அனைவருக்கும் நன்றி கூறினர். மேலும் தொடர்ந்து பேசிய தயாரிப்பாளர்களில் ஒருவரான C.V.குமார், படத்தின் கதையக் கேட்டதும், மற்றொரு தயாரிப்பாளரான சசிகாந்திடம் கலந்தாலோசித்து தமிழில் மட்டுமின்றி ஹிந்தியிலும் தயாரித்து வெளியிட முடிவு செய்து ராஜ்குமார் ஹிராணியுடன் கைகோர்த்ததாகவும், எங்களுடன் முழு ஒத்துழைப்பு தந்த ஹிராணிக்கும், இயக்குனர் சுதா, மற்றும் நடிகர் மாதவனுக்கும் நன்றி தெரிவித்துக் கொண்டார். மேலும் படமும் பாடலும் சிறப்பாக வந்திருப்பதுடன் படம் இருமொழியிலும் மிகப்பெரிய வெற்றியடையும் என்றும் கூறினார்.

      அடுத்ததாக பேசிய இப்படத்தின் கதாநாயகன் மற்றும் தயாரிப்பாளரில் ஒருவரான மாதவன், நீண்ட இடைவெளிக்குப் பின்பு தமிழ் திரையுலகிற்கு வந்திருக்கும் தான் இப்படத்தில் ஒரு குத்துச்சண்டை வீராங்கனைக்கு பயிற்சியாளராக நடித்திருப்பதாகவும் படம் பிரமாதமாக அமைந்திருப்பதாகவும், மேலும் இயக்குனர் சுதா, தயாரிப்பாளர்கள், இசையமைப்பாளர், நடிகைகள் ரித்திகா, மும்தாஜ் மற்றும் அனைத்து தமிழ் ரசிக்களுக்கும் நன்றி தெரிவித்துக் கொண்டார்.
தொடர்ந்து விழாவில் பங்கேற்று பேசிய நடிகைகள் ரித்திகா, மும்தாஜ், இயக்குனர் என அனைவரும் படத்தில் தங்களோடு இணைந்து பணியாற்றியவர்களுக்கும், படம் சிறப்பாக அமைய உறுதுணையாய் இருந்த அனைவருக்கும், பத்திரிக்கையாளர்களுக்கும் நன்றிகளையும், வாழ்த்துக்களையும் கூறி அமர்ந்தனர். படத்தின் இயக்குனர்  சுதா'விடம் படம் தாமதமாக எடுத்ததற்கான காரணம் என்னவென்ற பத்திரிக்கையாளர்களின் கேள்விக்கு பதிலளித்த இயக்குனர், படம் 2014ல் எடுக்கப்பட்டது, பின் சில காட்சிகள், மற்றும் சில காரணங்களால் தாமதமாக எடுக்கப்பட்டது என்று கூறினார். மற்றொரு கேள்விக்கு படம் முழுக்க முழுக்க தமிழில் உருவானது என்றும் சென்னையிலேயே படம் எடுக்கப்பட்டதாகவும் கூறினார்.

   மாதவனிடம் தன் கதாபாத்திரம் பற்றி கேட்கப்பட்ட கேள்விக்கு, தான் ஒரு குத்துச்சண்டை பயிற்சியாளராகவும், அதுவும் பொறுக்கி போன்ற கதாபாத்திரம் என்றும், தான் பயிற்றுவிக்கும் குத்துச்சண்டை வீராங்கனையே தன்னை காதலிப்பது, அதற்கான காரணம் எனவும்,  விளையாட்டைப் பற்றி வந்த மற்ற படங்களைப் போலல்லாமல் இப்படம் முற்றிலும் மாறுபட்ட கதையாகவும் அமைந்துள்ளதாகவும் தெரிவித்தனர்.

- லெனின் 

1.1.16

தற்காப்பு விமர்சனம்

         
     கைண்ட்டோஸ்கோப் ப்ரொடக்ஸன்ஸ் -  டாக்டர் எஸ்.செல்வமுத்து மற்றும் மஞ்சுநாத் தயாரிப்பில்,  R.P.ரவி திரைக்கதை, வசனம் எழுதி இயக்கியிருக்கும் படம் "தற்காப்பு ". நடிகர்  சக்தி வாசு, ஆதித், மற்றும் சுவராஜ் கதாநாயகன்களாகவும், வைசாலி தீபக் மற்றும் அமிதா ஆகிய இருவர் கதாநாயகிகளாகவும், மேலும் சமுத்திரக்கனி, ரியாஷ் கான் போன்ற பலர் நடிப்பில் உருவாகி வெளிவந்திருக்கும் ஒரு ஆக்ஷன் திரில்லர் படம்.

         நீண்ட இடைவெளிக்கு பிறகு இப்படத்தில் நடித்திருக்கும் சக்தி, தன் உயர் அதிகாரிகளின் உத்தரவின் படி குற்றவாளிகளை என்கவுன்ட்டர் செய்யும் ஒரு என்கவுண்ட்டர் ஸ்பெலிஸ்ட் போலீஸ் அதிகாரி. இந்நிலையில் தன் உயரதிகாரிகளின் உத்தரவுக்கிணங்கி ரியாஷ்கானை போலி என்கவுன்ட்டர் செய்கிறார்.

   பின் இந்த போலி என்கவுன்ட்டர் வழக்கு மனித உரிமை கழகத்திடம் சிக்க, அதன் அதிகாரியான சமுத்திரக்கனி இது சம்பந்தமாக சக்தி உட்பட மூன்று போலீஸ் அதிகாரிகளை விசாரித்து இது போலி என்கவுன்ட்டர் என்பதை உறுதி செய்கிறார்.

ஆனால் தகுந்த சாட்சியங்கள் இல்லாமல் தவிக்கும் சமுத்திரகனி சக்தியிடம், உங்கள் உயர் அதிகாரிகள் சிலர் பெரிய பெரிய தொழிலதிபர்கள், பணக்காரர்களின் தூண்டுதலின் பெயரில் உங்களை ஒரு கூலிப்படையாகப் பயன்படுத்தி இந்த என்கவுன்ட்டர்களையெல்லாம் செய்ய வைத்திருக்கிறார்கள் என்ற உண்மையை எடுத்துரைக்கிறார்.

இதையறிந்த காவல்துறை அதிகாரிகள், எங்கே தங்களுக்கு எதிராக சக்தி கோர்ட்டில் சாட்சி சொல்லிவிடுவானோ என எண்ணி, சக்தியை குற்றவாளியாக்கி என்கவுன்ட்டர் செய்ய முடிவு செய்கிறார்கள். பின் இந்த என்கவுன்ட்டரிலிருந்து சக்தி தப்பித்தாரா?  இல்லையா? என்பது பரபரப்பான மீதிக்கதை.

நீண்ட இடைவெளிக்குப் பிறகு நடிக்கும் சக்திக்கு மிடுக்கான போலீஸ் கதாபாத்திரம் ஓரளவிற்க்கே பொருந்தியிருக்கிறது. இவரின் நடிப்பில் நல்ல முன்னேற்றம்.

ஆனால் படத்தில் இவருக்கென ஒரு ஜோடியில்லை என்பது ஏமாற்றமே.
மனித உரிமைக் கழக அதிகாரியாக வரும் சமுத்திரகனி வழக்கம்போல் கதாபாத்திரத்திற்கு ஏற்றாற்போல் தன் நடிப்பாலும், வசனத்தாலும் பிரமாதப்படுத்தியிருக்கிறார்.

இவர்களைத் தவிர வரும் ஆதித், சுவராஜ், வைசாலிதீபக், மற்றும் அமிதா ஆகிய நால்வரும் தங்களுக்கான வேலையை சிறப்பாக செய்திருந்தாலும் என்கவுன்ட்டர் சம்பந்தப்பட்ட இந்த ஆக்ஷன் படத்தில் இவர்களுக்கான காதலும், காட்சிகளும் புகுத்தப்பட்டிருப்பது படத்தின் வேகத்தை குறைத்திருக்கிறது.

பெரும் செல்வந்தர்கள் தங்கள் பணபலத்தால் சட்டத்தை தவறாக பயன்படுத்துவதையும், என்கவுன்ட்டர் மூலம் பல நிரபராதிகள் கொல்லப்படுவதையும், பல குற்றவாளிகள் தப்பிப்பதையும் மிக அழுத்தமாக பதித்திருக்கும் இயக்குனரின் துணிச்சலுக்கு ஒரு சல்யூட்.

    ஆனால் ஒரு கணமானகதை காட்சிபடுத்தப்பட்ட விதத்திலே ரசிகர்களின் மனதில் நீண்ட நாட்கள் இருக்குமா என்பது சந்தேகமே. பைசல் இசையில் பாடல்களும், பிண்ணனி இசையும் ரசிக்கும் விதம் அமைந்திருக்கிறது. ஜோன்ஸ்ஆன்ந்த்'ன் ஒளிப்பதிவு படத்திற்கு பலம். மொத்தத்தில் "தற்காப்பு" தன் வெற்றியை சில நாட்களுக்கே தற்காத்துக் கொள்ளும்.

- லெனின் 

அழகு குட்டி செல்லம் விமர்சனம்



        "நீயா நானா" இயக்குனர் அந்தோணி அவர்கள் தயாரிப்பில், இயக்குனர் சார்லஸ் இயக்கத்தில் (2016) புத்தாண்டு தினத்தன்று திரைக்கு வரும் படம்  "அழகு குட்டிச் செல்லம்". கருணாஸ், தம்பி ராமையா, ஆடுகளம் நரேன், மெட்ராஸ் ரித்விகா, கல்லூரி அகில், ஜான் விஜய், தேஜஸ்வினி, வினோதினி, கருணாஸின் மகன் கேய்ன், யாழினி, கிரிஷா, போன்ற பலர் இப்படத்தில் நடித்திருக்கின்றனர்.

வெளிநாட்டிலிருந்து வரும் பண உதவியுடன் இயங்கும் 150 வருட பழமைவாய்ந்த ஒரு பள்ளியை கதைக்களமாகவும், அந்த பள்ளியில் நடத்தப்படவிருக்கும் கிறிஸ்துமஸ் விழாவினை மையப்படுத்தியும்,
கதையை புதுவிதமாக நகர்த்தி செல்லும் இயக்குனரின் நேர்த்திக்குப் பாராட்டுக்கள்.

அப்பள்ளியில் படிக்கும் சில மாணவர்கள் இந்த வருட கிறிஸ்துமஸ் விழா நாடகத்தை தாங்கள் நடத்த அனுமதி அளிக்குமாறு பள்ளி நிர்வாகத்திடம் அனுமதி கேட்க, அதற்கு நிர்வாகம் மறுக்கிறது. நாங்கள் புதுவிதமாக இயேசு பிறப்பது போன்று ஒரு குழந்தையை வைத்து தத்ரூபமாக நடத்திக்காட்டுவோம் என பிடிவாதம் பிடிக்க இறுதியில் பள்ளி நிர்வாகம் ஒப்புக் கொள்கிறது. பின் இயேசுவாக நடிக்க வைக்க குழந்தையை ஏற்பாடு செய்யும்பொழுது ஏற்படும் பிரச்சனைகள் மீதி கதை.

நாடகம் ஏற்பாடு செய்திருந்த மாணவர்களில் ஒரு மாணவியின் அக்கா திருமணமாகி கணவனை பிரிந்திருக்க அவரின் குழந்தையை நடிக்க வைக்கலாம் என முயற்சி செய்கையில் அந்த மாணவியின் அக்கா தன் கணவனோடு சென்றுவிடுகிறார். அதேவேளையில் மூன்று பெண் குழந்தைகளுக்கு அப்பாவான ஆட்டோ ஓட்டுனராக வரும் கருணாஸ் நான்காவதாக தனக்கு ஒரு ஆண் வாரிசு பிறக்கும் என்ற எதிர்பார்ப்பில் இருக்கும் பொழுது அதுவும் பெண்ணாக பிறக்க மணமுடைந்து வீடு திரும்புகிறார். அவரின் மனைவியோ அந்த குழந்தையை கூவத்தின் அருகில் விட்டுவிட்டு கணவரிடம் குழந்தை இறந்துவிட்டது என்று கூற பின் இருவருக்கும் வாக்குவாதம் ஏற்பட்டு மனைவி உண்மையை கூறுகிறார். பின் கருணாஸ் காணாமல் போன குழந்தையை தேடி அலைவது ஒரு புறம் இருக்க, அந்த மாணவர்களில் ஒருவனான மாணவனின் சித்தப்பாவாக கனடா நாட்டிலிருந்து வந்திருக்கும் கல்லூரி அகில் மற்றும் அவரின் மனைவி ரித்விகா ஒரு தீவிரவாத தாக்குதலில் தன் குழந்தையை இழந்து மனமுடைந்து காணப்படுவது ஒரு புறம்.

செஸ் விளையாட்டு வீராங்கனையான கிரிஷா தன் சக வீரருடன் பழகியதில் கற்படைந்து பின் அவரால் ஏமாற்றப்படுகிறார். அந்த வேளையில் ஒரு செஸ் போட்டி தொடர் ஒன்று நடக்க கிரிஷாவும் தனக்கு பிறந்த ஆண் குழந்தையுடன் தன்னை ஏமாற்றிய காதலனை இறுதி போட்டியில் நேருக்கு நேர் மோதி வெற்றி பெறுகிறார்.

பின் ஒரு அனாதை ஆசிரமத்தில் படிக்கும் அப்பள்ளி மாணவன் மூலம் தன் ஆசிரமத்திற்கு புதிதாக வந்திருக்கும் குழந்தையை நாடகத்தில் நடிக்க கேட்க அந்த ஆசிரமத்தை நடத்தி வரும் தம்பி ராமையா மறுக்கிறார். இறுதியில் அந்த குழந்தையை கடத்தி வந்து நடிக்க வைக்கிறார்கள். இறுதியில் கருணாஸின் குழந்தை கிடைத்ததா? அகில் மற்றும் ரித்விகா ஏமாற்றம் தீர்ந்ததா.? செஸ் போட்டியில் வென்ற கிரிஷாவின் நிலை என்ன? என்பது மீதி கதை. இப்படி ஒரு கதையை இன்னாரு கதையுடன் தொடர்புபடுத்தி காட்சிக்கு காட்சி தொய்வில்லாமல் படமாக்கியிருப்பது புதுமை + அருமை.

இப்படத்தின் அனைவரது கதாபாத்திரங்களுக்கும் இயக்குனர் முக்கியத்துவம் கொடுத்திருக்கிறார். அவர்களும் தங்களின் கதாபாத்திரத்திற்கான உழைப்பை நூறு சதவிகிதம் கொடுத்திருப்பது பாராட்டுக்குரியது. மாணவர்களின் நடிப்பு அனைவரையும் கவரும். கருணாஸ் இப்படத்தில் அவரின் வசனம் முதிர்ச்சி பெற்றுள்ளதுடன் அவரின் நடிப்பும் பிரமாதம்.

தம்பி ராமையா, அகில், ரித்விகா என அனைவரின் நடிப்பும் அருமை. ஓப்பனிங் சாங் இல்லாமல், குத்துப் பாட்டு இல்லாமல் ஒரு குடும்ப படம், குழந்தைகள் படம் தந்த இயக்குனர் சார்லஸிற்கு மீண்டும் ஒரு நன்றி கலந்த பாராட்டுக்கள்.   மொத்தத்தில் "அழகு குட்டிச் செல்லம் - படம் பார்க்கும் அனைவருக்கும் செல்லம்..."

- லெனின்